Mourente homenaxea a Manuel Solla Tomé, un dos fundadores da Sociedade Cultural e Deportiva
Por Redacción
O sábado 28, a Sociedade Cultural e Deportiva de Mourente rende unha homenaxe a Manuel Solla Tomé, un dos fundadores desta institución que faleceu hai un ano por estas datas. Ás cinco da tarde, descubrirase unha placa conmemorativa en nome da Comunidade de Montes de Mourente. Será no Monte da Rodela ao pé do Picoto, no Monte do Castro.
Ás 18.30, a Igrexa Parroquial de Mourente acollerá unha misa e ás 20.00 horas, nas instalacións da Sociedade Cultural desenvolverase un acto de recordo sobre a súa traxectoria na que, ademais de dar os primeiros pasos na creación da Cultural, puxo en marcha o grupo de Teatro Xenio e a Coral Voces Amigas de Mourente.
Manuel Solla tamén foi presidente da Comunidade de Montes da parroquia.