As Núbebes resplandecen de novo no Teatro Principal
Por Redacción
As familias retornaron este domingo a unha das citas máis esperadas, o Festival das Núbebes, unha iniciativa de Baobab Teatro, grupo liderado pola pontevedresa Andrea Bayer, con propostas escénicas destinadas a bebés e ás familias.
Tras a paréntese determinada pola pandemia, este 26 de febreiro o Teatro Principal volvía encherse dos sorrisos máis novos coa edición número nove deste Festival. O alcalde Miguel Anxo Fernández Lores acudía á inauguración afirmando que sentía "alegría a esgalla" e consideraba "emocionante e fermoso" ver o recinto teatral cheo de familias nesta iniciativa impulsada pola Concellería de Cultura de Pontevedra.
No escenario, o coñecido Roque facía as delicias do público infantil durante a sesión matinal. Xa durante a tarde, a compañía Baobab Teatro estreaba o espectáculo 'Palabras', mentres que na Casa das Campás, Soledad Felloza ofrecía 'A viaxe de Lup' con contos e marionetas.
Tamén nesta xornada inicial a sala multiusos do Teatro Principal acollía 'O son que me arrola', da Asociación socioeducativa Antonio Gandoy, un espectáculo de música.
A actividade continuará o venres 3, o sábado 4 e o domingo 5 cunha programación chea de teatro, música e sorpresas. As entradas para todos os espectáculos están dispoñibles en ataquilla.com
Relacionadas:
-
Baobab Teatro recibe o premio "Provincia a Escena" na Feria de Teatro de Castilla y León
Por Redacción |
-
Remata Núbebes despois de catro días "cheíños de cousas bonitas"
Por Mónica Patxot & Cristina Saiz |
-
O Principal acolle "Vox Populi", o primeiro dos sete espectáculos da Rede Galega de Teatros e Auditorios
Por Redacción |
-
Tres espazos e máis aforo por espectáculo, as novidades do regreso do Festival das Núbebes
-
Un ciclo de danza, xornadas de banda deseñada e o regreso de Núbebes, novidades do semestre cultural
Por Alejandro Espiño |