Nadal de gospel no Centro Social Novacaixagalicia
Por Redacción
A compañía Chicago Mass Choir achega o gospel aos pontevedreses co seu concerto do Nadal Singing Gospel Christmas, que representará este sábado 21 de decembro no Centro Social da Fundación Novacaixagalicia.
A formación, coñecida por acompañar en varias ocasións a Bob Dylan, realiza a súa segunda xira por España nos 25 anos que leva activa, un tempo no que colaborou con diversos artistas, ademais de participar con regularidade no Festival de Gospel de Chicago ou actuar en lugares como o Staples Center de Los Ángeles.
As localidades para o espectáculo, que dará comezo ás 20:30 horas, están á venda a través da web www.servinova.com e a billeteira telefónica 902 504 500 en horario de 8.00 a 22.00 h.