Chega 'Guerrilla', o festival que trae a Pontevedra a cultura máis comprometida coas loitas sociais
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/dca/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63847c0d41-unnamed-2-.jpg)
© Culturactiva
![](/web/cache/scene/uploads/fotos/foto/6a4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63847cc776-unnamed-1-.jpg)
© Culturactiva
Durante os días 1, 2, 3 e 4 de decembro Pontevedra vai encherse de cultura reivindicativa.
Nesta segunda edición do 'Guerrilla' os eixos temáticos principais das xornadas serán a educación durante o franquismo, a censura musical na dictadura e a loita do pobo saharauí.
En cada unha das xornadas haberá un faladoiro para conversar e reflexionar sobre estes temas con persoas expertas e un espectáculo comprometido de peche.
Por esta segunda edición de Guerrilla pasarán espectáculos como "Encerrona" de Pepe Viyuela, "Grándola de mi querer" de Luís Pastor, ou a obra teatral "As Alumnas".
Ademais, o domingo haberá unha gala de peche a prol do pobo saharauí onde estarán artistas como Uxía Senlle, Yslem Hijo del Desierto, Dakidarría ou Isabel Risco.
Guerrilla é unha iniciativa impulsada polo Concello de Pontevedra e Culturactiva Sociedade Cooperativa Galega que ten o obxectivo de pór en valor as loitas sociais e culturais históricas que se artellaron no noso país e demostrar que non están mortas. "Guerrilla é o vivo exemplo de que dende todos os recunchos de Galicia e do resto do mundo estanse a facer pequenas accións culturais para construir unha sociedade xusta para todos e todas".