![](/web/cache/scene/uploads/fotos/foto/b4f/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/636fc86783-crea1b-rafa-este-vez.jpg)
© Deputación de Pontevedra
A residencia artística 'Depocrea' chega ao seu fin no Náutico de San Vicente
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/0c6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/636fc84ee9-crea1c-rafa-este-vez.jpg)
© Deputación de Pontevedra
![](/web/cache/scene/uploads/fotos/foto/4c8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/636fc880b5-crea1f-rafa-este-vez.jpg)
© Deputación de Pontevedra
Quince días de intensa actividade artística e colaborativa chegaron ao seu fin este sábado para pechar a primeira edición do programa 'Depocrea' impulsado pola Deputación de Pontevedra.
A residencia artística, que se desenvolveu nunha contorna privilexiada como é o Náutico de San Vicente do Mar, contou coa participación de seis creadores: Carla Andrade, Pablo Barreiro, Macarena Montesinos, Diego Vites, Yolanda Ríos e Olmo Blanco.
Na última xornada, amenizada pola música de tres das cantantes do programa provincial 'Descúbreas' como Caro, Ane Swan e Sara Casas, os protagonistas mostraron o seu traballo, con obras que van desde a fotografía á instalación, a composición musical ou a pintura.
A vinculación co territorio e coa cidadanía da contorna era o eixo común que abarcaba todas as disciplinas.
Ao longo destas dúas semanas de residencia, ademais do proceso de creación conxunta, contaron con visitas de público e de profesionais do sector.
A deputada de Cultura, Vitoria Alonso, destacou que tras o éxito desta primeira convocatoria, 'Depocrea' ten garantida unha segunda edición, defendendo que "con este programa quixemos apoiar ás e aos creadores e creadoras e incentivar a innovación para propiciar proxectos con olladas diferentes, que permitan desestacionalizar lugares turísticos cunha poboación local permanente máis escasa e que recollan e actualicen a memoria cultural, social, etnográfica e histórica da provincia, co fin de manter vivo o noso patrimonio intanxible".
Alonso agradeceu ademais a colaboración do Náutico de San Vicente "que permitiu esta sinerxia entre a arte e música e que foi espazo de creación, estudo compartido pero tamén fogar".
Relacionadas:
-
Chris Jagger, irmán menor do líder de The Rolling Stones, presenta álbum en El Náutico
Por Anxo Lourido |
-
Seis artistas da área creativa interactuarán durante quince días no Náutico de San Vicente
Por Redacción |
-
A Deputación lanza dúas residencias artísticas e reflexiona sobre a igualdade de xénero en todas as disciplinas do deseño
Por Oskar Viéitez |