O yihadismo europeo, protagonista do arranque do ciclo Amal en Ruta
Por Redacción
O ciclo de cinema euroárabe Amal en Ruta arrancará este luns coa proxección do documental Gods of Molenbeek, cinta que fala a través da mirada duns nenos do distrito Molenbeek, en Bruxelas, coñecido por ser un dos epicentros do yihadismo europeo
A película, obra da cineasta danesa Reetta Huhtanen, poderase ver de maneira gratuíta no Teatro Principal, a partir das 21:00 horas. Emitirase en versión orixinal subtitulada.
O distrito de Molenbeek, en Bruxelas, ten fama de ser un dos epicentros do yihadismo europeo, pero para Aatos e o seu amigo Amine, é simplemente o seu fogar familiar.
Xuntos buscan respostas ás grandes preguntas da vida, pero a brutalidade do mundo adulto irrompe cando os terroristas detonan unha bomba no barrio.
A súa directora, Reetta Huhtanen, é graduada na ELO Film School de Finlandia. Estudou realización de documentais, ademais de licenciarse en Socioloxía e Filosofía.
As súas películas, The Coffee Break, sobre tres eternos estudantes, e Economic Forecasts, sobre o opaco universo da economía, proxectáronse en numerosos festivais internacionais. Gods of Molenbeek é a súa primeira longametraxe documental.
Relacionadas:
-
A película '1982' inaugura un novo ciclo de Amal en Ruta
Por Redacción |
-
'Gaza mon amour', dos xemelgos Tarzan e Arab Nasser, proxéctase este xoves no Principal
Por Redacción |
-
A vida despois do ISIS trátase no documental programado para o mércores en Amal en Ruta
Por Redacción |
-
Amal en Ruta abre co mellor cinema euroárabe actual a tempada do Teatro Principal
Por Mónica Patxot & María José Pita |
-
Cinco filmes para un Amal en Ruta que reivindica o orgullo, o legado e a cultura árabe
Por Alejandro Espiño |