Un concerto infantil de 'A Gramola gominola' celebrará en Pontevedra o día da Música
Por Oskar Viéitez
O vindeiro martes, 21 de xuño, celébrase o Día da Música, e a Deputación de Pontevedra programou con tal ocasión un "desafío a rock".
En Pontevedra, haberá un concerto de rock infantil a cargo do grupo 'A Gramola gominola' ás cinco e media da tarde diante da fachada principal do Pazo provincial da Deputación na avenida de Montero Ríos.
En Vigo, actuará ' Broken Peach' ás oito e media da tarde diante da sede da institución provincial.
Para asistir haberá que anotarse en participa.cultura@depo.gal
A presidenta da Deputación de Pontevedra, Carmela Silva tamén anunciou o regreso das visitas caracterizadas e teatralizadas ao Castelo de Soutomaior, do 1 de xullo ao 31 de agosto.
As 'Visitas Caracterizadas' están dirixidas a un público adulto e teñen como protagonistas a María Vinyals, Emilia Pardo Bazán e Emilia Lluria farán un percorrido polo parque botánico que rodea a fortaleza, os venres de xullo e agosto (excepto o 12) e os martes de agosto (excepto o 16).
As 'Visitas Teatralizadas', son para un público familiar e levan por título 'Érase unha vez...' con personaxes do castelo que contarán contos e peripecias todos os luns de xullo e agosto.
As entradas xa estarán á venda desde este venres na web do castelo de Soutomaior.