Chelo Rodríguez e Fernando Carballa ofrecen 'O inefable' no Pazo da Cultura
Por Mónica Patxot
A sala de exposicións do Pazo da Cultura acolle a mostra 'O inefable', un proxecto artístico colectivo de Fernando Carballa e Chelo Rodríguez, comisariado por Lola Varela'.
'O inefable' ofrece a mensaxe oculta que se atopa tras a contemplación da obra, aquilo do que fala o artista e que resulta ser a esencia do traballo, segundo indica Lola Varela. Os dous artistas, especialistas de diferentes disciplinas, ofrecen un diálogo para mostrar un universo interior dos invisible.
A través de diversos sistemas como a poesía, a música, a pintura ou o silencio ofrécense elementos creativos experimentais. Chelo Rodríguez presenta espazos interiores, cheos de luz e de cor mentres que Fernando Carballa xoga coa materia, presentando misterio utilizando porcelana e barro. Os dous expoñen a súa visión particular da figura humana nun espazo simbólico e conceptual.
Fernando Carballa é un artista pontevedrés licenciado pola o Facultade de Belas Artes de Madrid cunha obra que se caracteriza polo equilibrio das formas e a linguaxe das súas obras escultórico-pictóricas ten por obxectivo atrapar ao espectador nun mundo simbólico.
Pola súa banda, Chelo Rodríguez é natural do Porriño cunha obra que se centra nos espazos interiores cunha forte impresión de luz sobre os elementos inertes, cunha combinación entre a vida e a creación.
A mostra poderá visitarse ata o 17 de xullo, de martes a venres en horario de 18.00 a 21.00 horas; os sábados, de 12.00 a 14.00 e de 18.00 a 21.00 horas; e os domingos de 12.00 a 14.00 horas. Os luns a sala permanecerá pechada.