O musical "Romeo e Julieta" estréase esta fin de semana no Auditorio de Afundación en Pontevedra
Por Redacción
O Auditorio da Sede Afundación Pontevedra acollerá esta fin de semana o musical "Romeo e Julieta, un amor inmortal", con dúas funcións dispoñibles, o sábado 7 de maio ás 21 horas e o domingo ás 17.30 horas. As entradas están dispoñibles en Ataquilla. com
Dirixida por Tomás Padilla e da man da produtora de musicais Theatre Properties, estréase en España esta produción de teatro musical que conta cunha impactante escenografía, 250 traxes de época e unha produción ao estilo Broadway, interpretada por relevantes artistas nacionais.
O clásico de William Shakespeare adaptouse ao teatro musical de gran formato, cunha partitura orixinal creada por César Belda, que "converte esta produción nunha nova experiencia para o espectador cativando o corazón e engrandeciendo a esencia dunha obra tan apaixonante como universal".
A súa coidada escenografía e iluminación reproducen a atmosfera da época dunha das cidades máis máxicas de Italia: Verona, que xunto a un coidado deseño de vestiario, recrea fielmente a sociedade na que viviu o seu autor (século XVI). As coreografías efectistas e as loitas de esgrima proporcionan á historia un ritmo trepidante, áxil e intenso.
O elenco de artistas está composto por figuras destacada das producións musicais en España: Protagonizado por Carlos J. Benito (Romeo) e Silvia Villaú (Julieta), participan artistas de consagrada traxectoria como Paco Arrojo, Ángels Jiménez, Enrique R. Del Portal, Santiago Cano, Carlos Solano, Daniel Busquier, Nuria Sánchez o Antonio Villa entre outros.
Relacionadas:
-
'El abrazo', unha comedia con milagre de María Galiana, Juan Meseguer e Jean Cruz
Por Redacción |
-
A Real Filharmonía de Galicia interpretará en Pontevedra obras de Peter Sculthorpe e Jean Sibelius
Por Redacción |
-
'Pedalear e conversar', a iniciativa de triciclos eléctricos adaptados para fomentar as relacións
Por Mónica Patxot & María José Pita |
-
A Orquestra Sinfónica de Galicia actúa este xoves en Pontevedra
Por Redacción |