A literatura xaponesa protagoniza o Día da Poesía na biblioteca de Campelo
Por Redacción
Coincidindo co inicio da primavera, o vindeiro luns día 21 de marzo conmemórase o Día Internacional da Poesía, algo que se ven realizando desde o ano 1999, cando a Unesco oficializou esta data, coa meta de apoiar a diversificación lingüística a través da expresión poética.
A Biblioteca Municipal de Campelo escolleu este ano a cultura do Xapón como eixo principal da programación.
Deste xeito, as dependencias situadas na parroquia de San Xoán ofrecerán un punto de interese no que os usuarios terán á súa disposición obras manga e que fan referencia á tradición e cultura nipona.
Ademais, a Bbblioteca organiza un obradoiro de creación literaria, a través do cal os cativos maiores de 8 anos redactarán ‘haikus’, poemas breves, de 3 versos e un máximo de 17 sílabas.
A Concellería de Cultura de Poio desenvolverá esta primavera a segunda edición da programación Verbas en Flor, que será presentada en breve e inclúe iniciativas de todo tipo para celebrar ao longo dos próximos meses.
Relacionadas:
-
O Paroleiro irá este venres cos seus contos á Biblioteca de Campelo
Por Redacción |
-
O Casal de Ferreirós acollerá o programa 'A memoria do noso'
Por Redacción |
-
Os 'maios' e a as Letras Galegas, eventos destacados na primavera cultural de Poio
Por Redacción |
-
A Biblioteca de Campelo modifica o seu horario
Por Redacción |
-
A biblioteca de Campelo incrementou o número de socios e de préstamos durante este ano
Por Redacción |