O obradoiro de animación á lectura 'A Hora do Conto' recupera a súa actividade
Por Redacción
'A Hora do Conto', taller de iniciación á lectura que se desenvolveu durante 20 anos de maneira ininterrompida ata a irrupción da pandemia, regresa á actividade.
Esta iniciativa, dirixida por Pavís Pavós, reanudarase o próximo 5 de febreiro no Pazo da Cultura.
En concreto nesta nova etapa cambia de localización e pasará a ocupar o seminario 3 do Pazo, situado na primeira planta.
'A Hora do Conto' prolongarase ao longo de 10 sesións en xornada de sábado ata o próximo 7 de maio, en horario de 12.00 a 13.30.
A actividade está dirixida a nenos e nenas de 4 a 11 anos de idade, con 20 prazas dispoñibles que se poden solicitar na plataforma apuntate.pontevedra.gal.