Laureano Araujo recibe en Cambados o Premio Plácido Castro de Tradución
Por Redacción
A XIX edición do Premio Plácido Castro de Tradución celebrou este xoves a entrega do premio deste ano en Cambados. Laureano Araujo recibía este galardón pola súa tradución de Schlump, Erwin: Homicidio; do escritor suízo Friedrich Glauser.
Constantino Cordal, representante da Fundación e concelleira de Cultura na vila, destacou o esforzo dos tradutores galegos para fomentar a universalización da lingua. Pola súa banda, Xavier Senín, en nome do xurado, facía referencia ás singularidades da obra premiada pola súa contextualización ofrecendo ás lector claves informativas e interpretativas precisas para a comprensión da obra orixinal.
Nesta xornada conmemorábase o Día Internacional da Tradución e o secretario xeral de Política Lingüística, Valentín García, alentaba á Fundación para continuar co seu labor.
Por último, Laureano Araujo, nacido en Suíza, agradecía o premio e destacaba o significado persoal do seu "volver" a Galicia, un reencontro coa terra. A presidenta da Fundación, Susi Castro, entregaba o galardón coa escultura 'Babelio', obra de Xaquín Chaves, e o diploma acreditativo. O autor recibirá ademais 2.000 euros por esta distinción.