Combo Paradiso, Amaro Ferreiro e Bejo poñen o ritmo á quinta xornada de concertos da Peregrina
A quinta xornada das Festas da Peregrina contou con tres propostas de diferentes estilos musicais nos escenarios da Ferrería, a Praza de España e as pistas de Campolongo.
Ao primeiro deles subiuse Combo Paradiso, o novo proxecto de músicos con ampla traxectoria como Alberto Zanaut, Julián Maeso, Juan Zelada e Adrián Costa e que presentaron en Pontevedra o seu primeiro traballo conxunto, 'Loco Vaivén'.
Pola súa banda no escenario principal da Praza de España compareceu o vigués Amaro Ferreiro para reivindicarse como primeiro espada nun concerto baseado no seu último disco, titulado 'Personajes secundarios'.
Por último nas pistas de Campolongo o protagonismo foi para o rapeiro canario Bejo.
Este xoves 12 de agosto tomarán a testemuña nas Festas da Peregrina Xulio Lorenzo na Ferrería (21.00 horas) e Juan Perro na Praza de España (22.00 horas), mentres que en Campolongo será unha noite para os monólogos con Luís Piedrahíta (22.30 horas).
Quinta noite de concertos nas Festas da Peregrina 2021
Combo Paradiso, Amaro Ferreiro e Bejo protagonizaron a quinta xornada de concertos musicais nas festas
© Mónica Patxot