Os gravados de Picasso poderán verse en Pontevedra
Por Redacción
A mostra de 70 gravados de Picasso que se vai poder ver en Pontevedra desenvólvese sobre a base dun proxecto expositivo elaborado pola fundación Picasso Museo Casa Natal de Málaga e será comisariado polo seu director, José María Luna Aguilar.
Permitará comprobar os traballos en gravado dun artista que soubo conxugar vangarda e clasicismo. Vai poder comprobarse a primitiva arte ibérica e as tradicións africanas e americanas. A mostra tamén deixará constancia de como o artista malagueño recuperou a técnica do gravado que estaba esquecido ata os anos trinta do século XX.
A exposición será inaugurada o 9 de novembro e poderá visitarse no edificio do Café Moderno na Praza de San Xosé.
Para realizar esta mostra, Novacaixagalicia e ENCE asinaron un convenio de colaboración a través do que a empresa pasteira aportará 60 mil euros. O director do Centro de Operacións de ENCE en Pontevedra, Antonio Casal e o xerente de Novacaixagalicia, Pedro Otero, afirmaron que esta colaboración terá continuidade no futuro.