Aberto o prazo para participar no Culturgal 2013
Por Redacción
Dende este martes 20 de agosto ábrese o prazo de solicitude de postos para todas aquelas empresas, institucións ou asociacións que desexen contar cun espazo propio no Culturgal que se vai desenvolver no Pazo da Cultura de Pontevedra os días 29 e 30 de novembro e o 1 de decembro. O prazo finaliza o 20 de outubro e os interesados poderán solicitar postos xa deseñados ou polos postos de deseño libre. Na web de Culturgal pódense consultar os diferentes modelos e os formularios para a solicitude.
Na anterior edición, Culturgal contou coa participación de máis de 70 expositores. A organización mantén as tarifas de aluguer de 2012 con descontos para as empresas asociadas ao Culturgal e para os que soliciten postos antes do 20 de setembro. Os expositores terán a posibilidade de realizar vendas a través da tenda da Feira e contar con prioridade á hora de propoñer presentacións de proxectos ou produtos na programación oficial.