Malú chegou, cantou e os fans rendéronse ante a súa voz en Pontevedra
![Diego](/web/cache/scene/uploads/xornalistas/foto/e0f/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/57c3f9decc-img-20160829-wa0030.jpg)
Por Diego Torrado
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/520f2b39e3546-foto-32257.jpg)
© Diego Torrado
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/520f2f050f664-esperandoamalu.jpg)
CC BY-NC-SA PontevedraViva
Centos de fans de Malú vibraron ante o escenario situado na Praza de España, algúns xa estaban alí dez horas antes á espera dunha cita que entusiasmou os seguidores da cantante madrileña no que, ata o dagora, ten sido o concerto máis multitudinario das festas da Peregrina.
E o concerto congregou miles de persoas na praza a partir das 22:30 horas. Malú ofreceu un amplo recital no que non faltaron os seus grandes éxitos de versións de temas como Devuélveme a vida, Contigo aprendí ou Aprendiz que corearon os seus seguidores. O repertorio centrouse, sobre todo, nos éxitos do seu último traballo discográfico: Malú, Dual, un recompilatorio no que interpreta algúns temas clásicos con outras coñecidas voces do panorama musical español como Pablo Alborán, David Bisbal ou Melendi.
Coa súa característica voz, Malú conseguiu que o público de todas as idades gozase dun concerto desta cantante que chegou ao gran público grazas á súa participación como xuíza no programa de televisión La Voz.
Esta noite de sábado, a Praza de España contará con outro concerto moi agardado, sobre todo, polo público adolescente. Trátase do grupo Auryn. Comezará ás 22:30 horas e a entrada é libre.
Concerto de Malú en Pontevedra
Concerto de Malú en Pontevedra con motivo das Festas da Peregrina 2013