James Rhodes chega ao Pazo da Cultura de Pontevedra o domingo 19 de maio
Por Oskar Viéitez
James Rhodes chegará ao Pazo da Cultura de Pontevedra o domingo 19 de maio ás 20:30 horas, logo de esgotar as entradas para as actuacións de Santiago de Compostela (1 de marzo no Auditorio de Galicia) e A Coruña (2 de marzo no Teatro Colón).
O seu nome pasa a ser a terceira confirmación de Voices e unha das máis agardadas polo carácter sorpresa da mesma, xa que en decembro comezou a venda de abonos sen aínda coñecerse quen completaría xunto a Luísa Sobral (13 de abril) e Lila Downs (21 de xuño) o programa do ciclo.
Na liña do proxecto de achegar artistas que transcenden o ámbito musical, con discurso propio, comprometidos coa cultura e socialmente, subirá ao escenario do Pazo da Cultura este afamado pianista que se converteu en mediático -ademais de polo seu talento- por abanderar a protección do menor e a loita contra os abusos sexuais na infancia.
Na súa xira de 2019, onde ademais de tocar e contextualizar as obras que interpreta, o pianista británico tamén nos conta sobre o escenario, entre pezas de Bach, Chopin ou Beethoven, a historia da súa vida e de como a música axudouno a superar os numerosos obstáculos que se foi atopando polo camiño.
Este mércores ás 12:00 horas comeza a venda anticipada en Ataquilla.com e a Casa da Luz a partir de 24 euros. De non esgotarse previamente, o prezo na billeteira será de 28 euros. Tamén continúan á venda os abonos para os tres concertos do ciclo por 58 euros.
Relacionadas:
-
O pianista James Rhodes coñece o centro peonil de Pontevedra: "es una de las cosas más impresionantes que he visto"
Por Redacción |
-
A Filarmónica trae á pianista Judith Jáuregui de concerto a Pontevedra
Por Redacción |
-
Luísa Sobral, unha 'Rosa' que brilla no Pazo da Cultura
Por Redacción & Diego Torrado |
-
James Rhodes, unha mañá de "paz e harmonía perfecta" no centro penitenciario da Lama
Por Alejandro Espiño |
-
Esgotadas as entradas para o concerto de James Rhodes, que este domingo visitou Pontevedra
Por Redacción |
-
Voices trae a Pontevedra a Lila Downs, Luisa Sobral e un terceiro artista sorpresa
Por Alejandro Espiño |