O musical 'La sirenita' chega a Pontevedra
Por Redacción
A sede de Afundación de Pontevedra acollerá o próximo domingo 11 de novembro o musical 'La Sirenita', producido por Candileja e que foi valorado como un dos mellores espectáculos para toda a familia grazas á súa mensaxe e calidade artística.
O espectáculo baseado na obra de Hans Christian Andersen está previsto ás 17.00 horas e as entradas están á venda na web de Ataquilla.com.
Escrito e dirixido por Jesús Sanz-Sebastián, gañador do premio CREA do Teatro Musical, este musical conta cunha coidada posta en escena, marabillosos vestiarios, monicreques e outros complementos que crearán intres inesquecibles; todo a ritmo de grandes números musicais que van desde o pop ao soul.
Os personaxes creados por Hans Christian Andersen contan esta divertida aventura que vai desde o mar ata a terra, achegando un valor esencial como o cariño pola natureza e o seu coidado.