Roberto Taboada abre un álbum de fotos históricas na Casa da Luz
Por Anxo Lourido
Decenas de persoas achegáronse á inauguración da mostra "Pontevedra: rúas, prazas e feiras" que se pode visitar na Casa dá Luz.
Esta exposición recolle case un cento de fotografías seleccionadas polo exconcelleiro Roberto Taboada Rivadulla. Durante meses buscou nos arquivos das institucións e recolleu algunhas de amizades para poder ofrecer esta mostra que permanecerá aberta ao público ata o 7 de xuño.
Roberto Taboada mostraba, durante a inauguración, os cambios que sufriu a cidade ao longo do último século e que tan claramente pódese apreciar nestas fotografías. Desta forma ensinaba a antiga garita situada na Praza da Peregrina ou o mercado que se organizaba na Praza da Estrela. O exconcelleiro socialista puxo atención a pequenos detalles das vivendas, por exemplo, da Praza da Verdura para realizar esta selección de fotografías históricas.
A esta presentación acudiron diversas personalidades do mundo político e cultural de Pontevedra coa presenza dos concelleiros Antón Louro, Anxos Riveiro e Carlota Román, o escritor Rodrigo Cota ou o xornalista Rafael López Torre.