As espectaculares voces de Alabama Gospel Choir sorprenden en Afundación
![Diego](/web/cache/scene/uploads/xornalistas/foto/e0f/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/57c3f9decc-img-20160829-wa0030.jpg)
Por Diego Torrado
Vinte artistas subiron este sábado 13 ao escenario da sede de Afundación e deixaron impactado ao público cunha colección de voces poderosas. O espectáculo de Alabama Gospel Choir sorprende e amosa a calidade vogal da agrupación.
Baixo o título de Hallelujah!, a agrupación realiza un percorrido sobre temas espirituais do século XIX, temas de carácter relixioso, para despois achegarse ás cancións de protesta e ás marchas da liberdade tan coreadas durante o século XX.
No repertorio non faltan temas coñecidos como Oh Happy Day! e melodías atractivas a ritmo de góspel que contaxiaron entusiasmo ao público.
Recital de Alabama Gospel Choir
Actuación na sede de Afundación o 13 de xaneiro de 2018
© Diego Torrado