As "Danzas brancas" percorrerán as rúas da Boa Vila
Por Redacción
Con motivo do ciclo de Nadal a Asociación cultural Trepia, en colaboración coa Asociación Retrouso, organiza un percorrido de "Danzas brancas" correspondentes ás Danzas de Reis mostrando estes bailes tradicionais.
O percorrido terá o seguinte horario:
- 19:30 horas: Praza 8 de marzo
- 19:45 horas: Tramo peonil da rúa Benito Corbal
- 20:00 horas: Praza da Peregrina
- 20:15 horas: Praza de Curros Enríquez
- 20:30 horas: Praza de Méndez Núñez
- 20:45 horas: Praza da Verdura
Existe en Galicia (e noutros lugares de Europa) unha tradición parella a outras tradicións locais, que actualmente se deu en chamar "Danzas brancas".
Reciben este nome unha serie de danzas vencelladas a celebracións ao longo do ciclo do ano (principalmente desde o solstício de inverno até a primavera) cuns trazos comúns, como:
- A utilización de vestimentas de cor branco (enaguas, camisas de liño....).
- A utilización de complementos como adornos florais, mantóns rameados, etc...
- Unha execución coreográfica, en maior ou menor medida (entendendo por coreográfica unha serie de movementos, cruces, incluso puntos do baile pre-fixados; deixando pouca marxe para improvisación –ao contrario que na danza tradicional habitual-).