Inaugúrase a exposición fotográfica "4+1" na Casa da Luz
Por Redacción
Este martes a partir das 19.00 horas, a Casa da Luz acolle a inauguración da exposición fotográfica "4+1", organizado polos estudantes do Curso de Creación Fotográfica e o seu profesor Eduardo Expósito.
Os fotógrafos Pablo Campos, Marta Fernández, Placeres García e Toni Vidal son os protagonistas desta mostra. A exposición poderá visitarse ata o 2 de xaneiro de 2017.
Placeres García ofrece instantáneas que percorren a cidade en busca dos símbolos do Camiño portugués a Santiago. Marta Fernández introdúcenos nun mundo de reflexos e de seombras con escaparates que cobran vida.
Pablo Campos presenta fotos en branco e negro con imaxes profundas e con dobre lectura. Pola súa banda, Toni Vidal coa Rapa das Bestas da Escusa mostra a tradición desde o punto de vista romántico entre o home e a besta.