Poio Escena acolle este venres o segundo concurso de monólogos
Por Redacción
O Concello de Poio en colaboración coas asociacións culturais Armadiña, Samieira e Raxó no marco do ciclo anual Poio Escena organizan o segundo Concurso de Monólogos Poio Escena 2016.
A final deste concurso terá lugar este venres 14 de outubro a partir das 20:30 horas no Centro Cultural Xaime Illa cun xurado experto formado pola escritora e poetisa Tamara Andrés, o actor Xurxo Barcala e o director teatral e xornalista de PontevedraViva, Anxo Lourido, acompañados da concelleira de Cultura, Lidia Salgueiro e de tres representantes das asociacións co-organizadoras.
O evento será comandado polo Chuco Briones, actor e director de curtasmetraxes, que o ano pasado foi membro do xurado da primeira edición deste concurso.