Rosa Úbeda e Yolanda Dorda ofrecen diálogos visuais 'Na beira do río'
Por Redacción
As artistas Rosa Úbeda e Yolanda Dorda son as protagonistas da sexta edición de 'Na beira do río. Diálogos dende a pintura', unha cita cultural do outono que se poderá visitar desde este xoves ata o 20 de novembro.
Esta experiencia entre a pintora pontevedresa e a catalá permite un encontro entre diferentes generacioes a través dun diálogo con propostas artísticas individuais que xorden en épocas diferentes. Desta forma, contrapóñense tempos polos que flúe a pintura como un río para significarse como parte da esencia cultural. O proxecto, comisariado por Ramón Rozas, xorde da confrontación entre distintas dialécticas que permiten a integración e a mestizaxe.
A exposición desenvólvese en tres apartados, un espazo común no que se contrapoñen linguaxes e en dous percorridos paralelos onde cada artista mostra as súas preocupacións no terreo estético. A proposta busca a reflexión sobre os nosos pintores e os seus diferentes campos cronolóxicos.