Os Sete Falares non teñen cancelas
Por Diego Torrado
A quinta edición do Encontro Internacional de Narradores de Historias, Sete Falares, chegou ao seu fin tras catro días de historias infestadas de imaxinación ofrecidas polos contadores deste ano.
Benita Prieto, Yoshi Hioki, Joxemari Carrere, Charo Pita, Jorge Serafín e os pontevedreses da agrupación Pavís Pavós ofreceron como colofón á cita deste 2016 un acto de clausura coa presenza de todos os narradores procedentes de distintos puntos xeográficos no Teatro Principal.
Numeroso público asistiu a este evento, que contou coa participación de músicos do Seminario Permanente de Jazz.