Axenda do día das Letras Galegas na comarca
Por Redacción
PONTEVEDRA
- Saída á fervenza da Freixa (Xeve) e recital poético. Camiñada e lectura de poemas de Manuel María e a outros autores. Saída ás 10.30 horas dende o centro sociocultural de Xeve. Organiza: Asociación sociocultural SondeXeve. (compre levar roupa e calzado axeitados)
- Xadrez. Partidas simultáneas de xadrez a partir das 11.00 horas na praza de Santa María. Organizan: Asociación de veciños Santa María, Escola de Xadrez de Pontevedra. Colabora: Concello de Pontevedra.
- Recital homenaxe a Manuel María. Coa poeta Eva Méndez do Roxo e actuación da Coral Airiños de Campañó. Ás 19 horas na igrexa de Santa María de Xeve. Organiza: Asociación sociocultural SondeXeve.
- Acto popular en homenaxe a Manuel María Recital poético, actuación da Coral Polifónica de Sobradelo, do Coro da Asociación sociocultural O Burgo e da Banda de Música de Pontevedra. Ás 19.30 horas na praza de Curros Enríquez. Organiza: Asociación sociocultural O Burgo. Colabora: Concello de Pontevedra. Asistirá o alcalde Miguel Fernández Lores.
- Cinema. Patrimonio habitado (Illa Bufarda, 2016). Ás 20.15 horas no Teatro Principal (entrada de balde). Organiza: Cineclub Pontevedra. Colabora: Concellería Normalización Lingüística.
- Concerto das Letras. Coa Banda de Música de Salcedo. Ás 20.00 horas no auditorio do Pazo da Cultura. Organiza: Banda de Música de Salcedo. Colabora: Concellería de Cultura
MARÍN
Durante os últimos días, a Asociación de Mulleres Intercambio do Saber de Marín procedeu onte á colocación de oito paneis conmemorativos do Día das Letras Galegas. As mulleres do Intercambio seleccionaron textos do poeta chairego que repartiron polos lugares máis significativos de Marín para que os marinenses lean e coñezan a súa obra.
A presidenta da asociación, Puerto Pérez Rosales explica que "trátase de darlle visibilidade á obra de Manuel María, por iso escollemos lugares céntricos como a Alameda, a Praza Oito de Marzo, o Concello, o paseo da Avenida de Ourense, o Paseo Alcalde Blanco, a Praza da Veiguiña, ou a Rúa do Sol".
SANXENXO
Unha lectura pública de poemas Manuel María, poeta ao que este ano está adicado o día das Letras Galegas, será o acto central da programación deseñada pola Concellería de Cultura para celebrar esta xornada adicada á cultura. Será na Praza Pascual Veiga a partir das 12 da mañá.
O grupo musical Onte e Hoxe, formado por tres músicos da comarca (Itziar Solla, Víctor Bóveda e Roberto Fernández Lores), porán música e son aos poemas de Manuel María e tralo seu concertó terá lugar a entrega dos premios do Certame Literario Picariños, organizado polo Centro Cultural e Deportivo Sanxenxo e que nesta edición contou con máis de 60 participantes. O acto na Praza Pascual Veiga rematará coa interpretación por parte da Banda de Música de Sanxenxo do himno galego.
A asociación cultural Andarela deseñou unha actividade a desenvolver na xornada de mañán que baixo o nome de "Espertar en galego" tratará de sorprender aos veciños coa colocación de carteis en tódalas parroquias con verbas enxebres e frases dos poemas de Manuel María.
A asociación de veciños de San Juan Dorrón programa para este día a III Marcha Cicloturística a Dorrón, que percorrerá diferentes lugares da parroquia, sobre todo pola carretera interior e por pistas rurais. A Marcha partirá do colexio de Magaláns.
Xa pola tarde, a Praza de Vilalonga acollerá un Serán, a partir das 17 horas, a cargo da asociación Os Cruceiros, no que actuarán tódolos grupos deste colectivo. En Sanxenxo, na Praza Pascual Veiga, ás 17.30 horas, a asociación cultural Abiñadoira encargarase de coordinar unha tarde xogos que baixo o título de "A búsqueda das palabras perdidas" ofrecerá actividades en grupo para rapaces, con diferentes probas que deberán superar para fomentar o uso do galego nos nenos.
Ás 18 horas será Noalla quen celebre o seu Festival das Legras Galegas da man do coro parroquial, que interpretará diferentes pezas na casa forestal de As Canteiras. Portonovo, pola súa parte, porá fin ás celebracións do día 17 de maio cun Festival das Letras Galegas a cargo da coral polifónica Santa María Adina de Portonovo e Os Gatiños, que se desenvolverá no CEIP de Portonovo.
POIO
Poio contará con diversos actos para celebrar o Día das Letras GalegasO primeiro será ás 11.00 horas no Peirao de Raxó co inicio da Carreira Popular Pola Lingua, dirixida aos menores e que se desenvolverá nun circuíto totalmente urbano. Esta carreira realízase por un paseo marítimo e cun centro urbano de Raxó, con saída e chegada no porto. A proba desenvólvese con seis categorías, unha máis que en anos anteriores, coa posibilidade de que participen corredores desde os 3 ata os 18 anos, ademais de establecerse unha categoría senior.
Ás 17.30 horas, o salón de actos do Centro Cultural Xaime Illa Couto de Raxó acollerá unha charla conferencia coa participación de Tamara Andrés, escritora e poetisa de Poio. Ademais entregaranse os premios do Concurso Literario Xaime Illa Couto coa lectura das obras galardoadas. O acto pecharase cun himno interpretado pola Escola de Música tradicional de Poio.
As actividades continuarán o sábado 21 no mesmo Centro Cultural cunha sesión de contacontos a partir das 11.30 horas a cargo de Andrea Vázquez. A partir das 21.00 horas, representarase a obra teatral 'O de menos é o nome'.
O GROVE
A Praza de Arriba acollerá a Romaría Cultura das Letras galegas. Dende as 10.30 comezarán as actividades para todas as idades que inclúen dende recitais poéticos ata actuación de Paradanda-Mecos, que será o grupo encargado de amenizar a romarı́a. Tamén se contará cos contacontos de Xarope Tulú e os asistentes poderán adquirir libros nos postos dos libreiros locais ou probar sorte cos xogos populares. Tamén contarán coa lectura de poemas do colectivo Xanela Aberta.
O Concello tamén organiza unha proxección do filme "O Apóstolo" que poderá verse na praza do Corgo a partires das 21.00 horas.
As letras continúan na fin de semana... Deste xeito o sábado 21 a Axencia de Lectura de San Vicente acollerá o espectáculo "Cóntoche un traxe". Unha actividade de grande interese para os grupos folclóricos, asociacións culturais, xente interesada na costura e no deseño e público en xeral a partires dos seis anos. A actividade é de balde pero require inscrición previa na biblioteca.
O domingo 22 tamén haberá actividades. Neste caso da man da Coral da Confrarı́a de Pescadores de San Martiño do Grove quen celebrará o seu concerto das Letras Galegas a partires das 20.00 horas na Casa da Cultura Manuel Lueiro Rey.
BARRO
Dentro das diferentes actividades organizadas no Concello de Barro con motivo do Día das Letras Galegas haberá un concerto da man da Banda de Música Xuvenil de Barro.
O concerto, titulado Unha noite de amor con Lela, estará dirixido por Alberto Xesús Busto Castaño e celebrarase as 20:00h no Pazo da Crega. Contarase coa participación da cantante Silvia Ferre, do pianista Alfredo Susavila e con Belén Xestal como narradora. A entrada é libre para todo aquel que queira asistir.
BUEU
Bueu acolleu esta pasada fin de semana os actos centrais da conmemoración das Letras Galegas. Tras a entrega do premio a Antón Lopo e a mesa redonda de reflexión en torno ao galego nos medios de comunicación escritos que se celebrou o sábado, tivo lugar o V Festival Poético do Morrazo, no que se outorgou o XIX Premio Johán Carballeira de Poesía a Pura Tejelo.
Ademais, e como remate ao programa das Letras Galegas, este luns ao mediodía tivo lugar unha lectura institucional de poemas de Manuel María a cargo do alcalde Félix Juncal, e dos concelleiros Martín Villanueva, Silvia Carballo, Teresa López, Manuel Otero, Macu Rodríguez, Fidel Castro e José Cuervo.