Un alumno de 13 anos do Manuel Quiroga, segundo premio no certame de piano xuvenil de Ferrol
Por Redacción
O alumno Iván Ruibal Seoane, con tan só 13 anos, demostrou que ten calidades artísticas notables ao obter o segundo premio no VIII Concurso de Piano Xuvenil de Ferrol "Gregorio Baudot" na primeira categoría autonómica. Nese mesmo certame participaban pianistas de ata 19 anos de idade.
Este intérprete que cursa segundo de grao profesional de piano no Conservatorio de Música Manuel Quiroga co profesor Gonzalo García foi galardoado neste concurso celebrado a finais do mes de abril.
Iván Ruibal presentou a esta certame obras de Liszt, Sergéi Rachmaninov e Manuel de Falla. O mozo conta con varios premios na súa traxectoria. Obtivo o premio "David Rusell" para novos talentos na súa edición do ano 2014 cando contaba con tan só 11 anos de idade. Ruibal xa lograra o terceiro premio autonómico neste concurso de piano de Ferrol na edición de 2015.