O Auditorio de Ribadumia acollerá a exposición de Art Ibérica
Por Redacción
A presidenta da Deputación de Pontevedra, Carmela Silva, xunto a concelleira de Ribadumia, Mar Moimenta, o responsable de Art Ibérica, Ángel Lorenzo, e o responsable de comunicación do evento, presentaron este luns a exposición Art Ibérica.
Esta mostra, que terá lugar no Auditorio de Ribadumia a partir do 30 de abril, recolle obras de artistas nacionais e internacionais como Pilar Taboada, Elohin, Francisco Lorente, José Antonio Fondevila, Carneiro, Lorem e Sergio Portela.
Os responsables de Art Ibérica deron a coñecer que se trata dun movemento que busca xerar sinerxías para potenciar, dinamizar e poñer en valor os recursos a través da dinamización artística e turística. En concreto, pretende proxectar a imaxe das Rías Baixas ó mundo, creando sensacións a través de linguaxes universais como son a arte, o viño e a gastronomía.
As obras, que se poderán ver en Ribadumia a partir do 30 de abril, aparecen recollidas nunha publicación.
Carmela Silva destacou que "vino y turismo son dos sectores fundamentales para la economía de la provincia de Pontevedra, de ahí la importancia de esta muestra que conjuga arte y enoturismo".