Fluíndo no Lérez converterá a Illa das Esculturas nun obradoiro de artistas
Por Redacción
Unha vintena de creadores converterán os días 22, 23 e 24 de abril a Illa das Esculturas e as marxes do río Lérez nun gran obradoiro artístico.
Todos eles vencellarán arte e natureza nas obras efémeras, respectuosas e integradas co medio, que idearán durante esas xornadas.
Durante tres días celebrarase esta cuarta edición de Fluíndo no Lérez, o encontro de cultura, arte e natureza.
Os artistas, coordinados por Carmen Hermo e Antón Sobral, traballarán en vivo e o domingo 24 de abril, ás 12 horas, farán un encontro co fin de amosar e explicar o seu traballo.
O día anterior, todos eles, porán en común as súas experiencias no Pazo da Cultura, unha reflexión que será rexistrada.
As xornadas comezarán o venres 22 de abril, ás 20 horas, cunha conferencia de Juan Fernando de la Iglesia na Casa das Campás. A entrada é libre