O mestre Alberto Zedda dirixe este martes o concerto da Xove Orquestra Sinfónica de Galicia
Por Redacción
O Auditorio Municipal contará este martes coa visita dun dos grandes directores da actualidade, o italiano Alberto Zedda. Este mestre poñerase á fronte da Xove Orquestra da Sinfónica de Galicia para ofrecer tres concertos, un deles o de Vilagarcía. O espectáculo comeza ás 20.00 horas e a entrada é libre.
O programa do concerto componse de temas de Johannes Brahms, Carl Nielse e Anton Bruckner. Como frauta solista intervirá Silvia Rozas Ramallal.
A Xove Orquestra é a canteira de músicos dos que se nutre a Sinfónica de Galicia e trátase dun dos proxectos educativos máis imporantes e orixinais do panorama musical español.
O concerto está a espertar un amplo interese, especialmente nos centros de ensino musical de Vilagarcía. Espérase a presenza de numerosos estudantes e profesores do Conservatorio municipal.