As letras ‘sénior’ do campus
Por Redacción
A Asociación de Alumnos Universitarios Sénior de Pontevedra (Asaexs) organizou na Casa das Campás a presentación dos libros "Amando la libertad" e "Gotas de luz", obra de José Moure e de Isabel García, respectivamente.
Ambos comparten unha paixón pola escritura que vén de longo e ambos viron recentemente como os seus primeiros libros saían da imprenta. Mais hai outro factor en común entre Isabel García e José Moure, que o seu paso polas aulas da Universidade no marco do Programa para Maiores, do que Moure é alumno desde setembro e do que García completou o ciclo intensivo o pasado ano.
É precisamente o seu paso por esta iniciativa o que os leva a protagonizar unha presentación organizada pola asociación de estudantado deste programa no campus, Asaexs, e dirixida a “poñer en valor o talento sénior”, como destaca o seu presidente, José María Fernández.
Tanto García como Moure recoñecen que non descartan repetir a experiencia de editar un libro. De feito, o segundo xa se atopa escribindo un proxecto sobre o estado islámico, mentres que a primeira admite que ten moitos máis poemas escritos, polo ao mellor nun futuro se lle ocorre facer outro poemario.
A ACTIVIDADE DOS SÉNIOR CONTINÚA
O vindeiro 5 de abril outro alumno senior presentará un libro. Trátase de Amancio Castro, autor xunto con Javier Silva de "Flora do río Gafos".
Nese mesmo mes, o día 20, Asaexs organiza unha conferencia dun ex-profesor deste programa, o filósofo Ramón Regueira, dúas actividades abertas a todo o público interesado.