Organizan un 'Mercado das Artes' para artistas emerxentes
Por Redacción
Dous mozos artistas residentes en Pontevedra decidiron poñer en marcha un proxecto co que buscan achegar a arte ao público. Miriam Cidrás e David Durán confesan estar cansos de que os novos artistas como eles non teñan oportunidades para mostrar ao público os seus traballos.
Ante esta situación, decidiron crear Alquimia Art Studio & Gallery, un espazo que se inaugura o xoves 17 de decembro a partir das 20.00 horas, para mostrar obras de arte de novos creadores no que, ademais de contar con profesores especializados en fotografía, pintura, gravado e debuxo.
Entre as primeiras iniciativas que tentan levar a cabo atópase un 'Mercado das Artes' que se está organizando ata o 5 de xaneiro coa idea de que os artistas emerxentes expoñan as súas obras aproveitando as compras do Nadal.
Os interesados poden trasladar a súa proposta a través deste correo electrónico: alquimiartstudio@gmail.com