Cadro en óleo solidario
Por Redacción
O artista de Poio, Faustino Ucha doou, un ano máis, un cadro en óleo para o centro social da Casa Rosada con motivo da celebración das festas do Nadal. Esta obra pictórica recolle escenas do concello de Poio e os protagonistas son os barcos pesqueiros dos portos deste municipio.
O cadro permanecerá exposto no edificio do Concello durante esta semana e a partir de decembro será trasladado ao centro social. Aquelas persoas que queiran optar a quedar con esta obra poderán adquirir papeletas que se venden a un euro. A recadación irá destinada a un fin social, segundo sinala a concelleira de Benestar Social e Igualdade, Rosa Fernández González.
O sorteo realizarase o luns 11 de xaneiro ás 11.00 horas no salón da Casa Rosada de Poio.