L.A., na Sala Karma: a xira de "From The City To The Ocean Side" recala o venres en Pontevedra
Por Alejandro Espiño
O ciclo SON Estrella Galicia volverá converter á Sala Karma en parada obrigada para os amantes da boa música. A banda mallorquina L.A. subirá ao escenario pontevedrés o vindeiro venres 13 de novembro, a partir das dez da noite. Farao para presentar o seu cuarto traballo discográfico, From The City To The Ocean Side, editado o pasado mes de maio.
Á fronte de L.A. está Lluis Albert Segura, o home que compón todas as cancións, elixe os produtores de cada álbum e os realizadores dos seus vídeos, ademais de dar nome a un proxecto musical no que se acompañan sempre Pep Mulet (guitarra), Ángel Cubero (baixo), e Dimas Frías (batería), a súa banda habitual.
Trátase dun disco que, como vén sendo habitual, contén o habitual son americano da banda, vai desde o timbre dun Eddie Vedder que se desgañita ante o micrófono ao college rock de REM. O resultado é un auténtico abanico de estímulos musicais, dentro do seu aceno, que defenden nun poderoso directo, sedutor e absolutamente hipnótico co que chegan a Pontevedra.
From The City To The Ocean Side continúa o ronsel discográfico iniciado en 2009 co seu aclamado Heavenly Hell, un debut fóra da escena independente que levou a que tres anos despois publicárase o impecable Slnt Flm. Xa no 2013, L.A. lanzou Dualize, un álbum que estabiliza o seu indiscutible estilo e termina de conquistar a público e medios especializados.
A banda está establecida en Mallorca, pero é en California, onde Luís atopa o seu lugar artístico. En Los Ángeles coñeceu e estableceu amizade, entre outros, con membros de Foo Fighters, The Black Keys, Pearl Jam, The Shins, Franz Ferdinand ou Placebo. Con estes dous últimos xirou L.A. por España, México, Italia e Francia. Ademais, formaron parte do cartel dos festivais máis relevantes de España, Europa e Norteamérica.
As entradas para este concerto, que teñen un prezo de 18 euros por anticipado e 22 na billeteira, pódense adquirir a través de Ticketea.