Ensemble Aberto e Sergey Lysenko darán un concerto na Finca de Briz
Por Oskar Viéitez
O grupo de música de cámara Ensemble Aberto dará un concerto compartido co oboísta ruso Sergey Lysenko.
Será o vindeiro sábado 22 de agosto ás 21 horas na finca de Briz, formando parte do Proxecto Marín Verán 2015.
O programa ten como fío condutor a peculiaridade da instrumentación e textura das obras, mesturando instrumentos de vento madeira e metal. A duración total do concerto é de trinta e sete minutos, aproximadamente.
Na primeira parte, interpretarán a Petite Symphonie, de Charles Gounod e o Octeto para instrumentos de vento de Igor Stravinsky. Na segunda parte, Sergey Lysenko e a pianista Natalia Kiseliova interpretarán varias pezas das óperas Rinaldo e Alcina de Haendel e tamén Aires de Pontevedra.
O propósito de Ensemble Aberto é achegar o repertorio de música de cámara máis ou menos coñecido a todos os veciños de cidades e parroquias galegas, así como fomentar a educación musical e amalgamala con outros ámbitos artísticos e culturais.