A chuvia impediu a exhibición dos Bailes de Salón na Ferrería
Por Diego Torrado
A chuvia impediu que se puidese celebrar a exhibición de Bailes de Salón prevista dentro do programa das Festas da Peregrina no escenario da praza da Ferrería durante a noite deste mércores 12.
Os bailarins iniciaron o espectáculo pero a aparición dun forte chuvasco provocou que a maior parte do público se ausentase das cadeiras situadas fronte ao escenario.
A programación das festas para este xoves iníciase ás 11.30 horas coa música da charanga 'Apeles', que realizará un percorrido polas rúas. Tras eles chegará o grupo ' Os de Mourente'.
Se o tempo o permite, ás 19.00 horas desenvolverase a Batalla de Flores polas rúas Loureiro Crespo, Uxío Novoneira e Eduardo Pondal.
A continuación, na Praza de España terá lugar o Festival Infantil. E xa a partir das 22.30 horas, Rafael Basurto, membro de Los Panchos, ofrecerá un recital na praza da Ferrería.