Dame cuerda que Teatro presenta a obra "Os nenos perdidos" no ciclo PoioEscena
Por Redacción
O ciclo PoioEscena retoma a súa actividade este sábado 30 de maio, a partir das 21.00 horas, co novo espectáculo da compañía Dame Cuerda que Teatro. Trátase da obra Os nenos perdidos, que se representará no Centro Cultural Xaime Illa de Raxó.
A obra está dirixida a todos os públicos e protagonizada polos actores Antonio Carlos Piñeiro Carrera, Brais Rey Campos, Rocío Tenreiro Villar e Xoana Arias García.
Nela, un grupo de nenos xogan no faiado dun orfanato durante a posguerra. A través destes xogos descobren as duras historias que os levaron a aquel lugar. Asustándose dunha cruel monxa que os persegue, agóchanse e protéxense mentres son alleos ó mundo fóra daquel faiado. Unha obra cargada de sorpresas.
As entradas para asistir á representación desta compañía de Pontedeume teñen un prezo de tres euros para o público xeral e dun euro para os socios das asociacións que organizan este ciclo, a SCD Raxó, a SCD Samieira e a ACDeM Combarro.
Relacionadas:
-
Seis novas obras de teatro afeccionado porán o broche de ouro ao ciclo PoioEscena2015
Por Redacción |
-
Tangatutanga Teatro estrea en Samieira o cabaré bíblico "Que Deus nos colla confesados"
Por Redacción |
-
Poio celebra o Día do Teatro co espectáculo 'Conversas na cuneta mentres a vida pasa alá fóra'
Por Redacción |