Compositores galegos actuais, protagonistas do último concerto do ciclo de butaca da BMP
Por Daniel Santomé
O ciclo de butaca da Banda de Música de Pontevedra chegou á súa fin. O Teatro Principal acolleu este xoves un concerto moi especial. Debido á proximidade do Día das Letras Galegas, que se celebra este domingo, a formación pontevedresa subiuse ao escenario para interpretar pezas de compositores galegos actuais.
Con David Pérez Trigo como mestre invitado, a BMP ofreceu un repertorio composto por cancións de Simón Couceiro, Andrés Álvarez, Antón Alcalde, Israel Quintas, Alejandro Galansky e Xosé Luis Represas.
En concreto, os seus integrantes interpretaron Enrique Melio de Couceiro, Gaudila de Álvarez, a triloxía Pórtico de Alcalde, Chiquirri, Chiquirri de Quintas, Tres danzas populares de Galansky e Cavaleiros de Santiago de Represas.
Como vén sendo habitual, o público pontevedrés encheu o patio de butacas do Teatro Principal e gozou cun concerto no que a BMP deu renda solta a todo o seu talento.
Relacionadas:
-
Broche de ouro europeo ao ciclo de butaca da Banda de Música de Pontevedra
Por Daniel Santomé |
-
176.500 euros para reforzar a traxectoria da Banda de Música de Pontevedra
Por Redacción |
-
A arte ao clarinete de Javier Vidal acompaña á BMP nun novo concerto do seu ciclo de butaca
Por Redacción |
-
Unhas innovadoras 'catro estacións' abren o ciclo de butaca da Banda de Música de Pontevedra
Por Alejandro Espiño & Diego Torrado |