'Xardín Suspenso', o novo espectáculo do Centro Dramático Galego chega ao auditorio de Afundación
Por Diego Espiño
O Centro Dramático Galego (CDG) trae a Pontevedra o seu novo espectáculo, Xardín Suspenso, froito da colaboración co Teatro Nacional Dona María II de Lisboa.
Trátase dun texto do portugués Abel Neves dirixido por Cándido Pazó e un elenco de actores formado por Melania Cruz, César Cambeiro, Rocío González, Luisa Merelas, Santi Romay e Ana Santos.
Xardín Suspenso representarase no auditorio de Afundación o mércores 29 de abril ás 20:30 horas.
A obra conta unha historia sobre a condición humana, o desamor e os sentimentos, explicaron nunha presentación na que se encontraba o director do CDG, Manuel Guede, e a actriz protagonista, Melania Cruz.
A actriz explicou que o seu papel, o de Lucía, se basea en "un amor que nun momento determinado non é correspondido, polo que a protagonista decide non asumilo e tomar unha decisión que ou resto dá xente non comprende".
As entradas para Xardín Suspenso, obra incluída dentro do aboamento teatral de tempada de Afundación, poden adquirirse anticipadamente na web www.ataquilla.com ou a través do teléfono 902 504 500, ademais de na billeteira do auditorio o mesmo día da función.