Carapuchiña Vermella e o Lobo cantan ópera en Pontevedra
Por Oskar Viéitez
A Fundación Galicia Obra Social (Afundación) presenta a ópera Carapuchiña vermella no seu Centro Social de Pontevedra, o sábado 22 de novembro, ás 17.30 horas.
Había unha vez unha nena moi bonita. A súa nai fixéralle unha capa vermella e vestíaa tan a miúdo que todo o mundo a chamaba Carapuchiña vermella. Un día, a súa nai pediulle que levase uns pasteis á súa avoa que vivía ao outro lado do bosque... e a partir de aí, desenrólase a historia.
Esta icona da cultura popular levouse ao cine, a televisión e o teatro en numerosas ocasións. Menos coñecida é a súa transcrición para teatro musical. Esta produción inclúe a singularidade de dous finais; o proposto polos irmáns Grimm e o do texto orixinal de Charles Perrault.
A compañía ÿpera Divertimento, que leva máis de dez anos dedicada a traballar o mundo da ópera e a zarzuela para o público infantil, ofrece unha visión distinta con esta particular Carapuchiña.
O traballo musical corresponde a un novo compositor uruguaio, Carlos Aznarez, e o texto foi adaptado por Miguel Ribagorda.