Música de cine en Raxó coa voz da cantante letona A Dolce Vita
Por Redacción
Os concertos da primeira edición do Festival de Música Alternativa Raxonita Music Festival, organizado pola Asociación de Hostaleiros de Raxó en colaboración co Concello de Poio, están a lograr unha boa acollida de público durante o seu arranque. Na noite deste martes 12, se non se rexistran chuvias, chega a quenda da música de cine a cargo de A Dolce Vita, a cantante letoa residente en Raxó e de nome Vita Ivaskevica realizará unha interpretación de temas clásicos de películas a partir das 23.00 horas no porto de Raxó.
Mañá será Foxy Freire o encargado de clausurar este festival ofrecendo rock da década dos 70. Durante as primeiras xornadas actuaron o grupo de Poio, Champurrada, con rock bravú e o quinteto de jazz de Virxilio da Silva, músico de Portonovo, que foi obxecto dunha polémica suspensión do seu concerto nun local nocturno de Sanxenxo.
Ata o domingo 17 de agosto poderá visitarse a Feira de Artesanía Chalana, con postos nos que se ofrecen obxectos de prata, deseño, coiro, bolsos e camisetas, queixos de Galicia, conservas, vermú e xenebra, ademais de cervexa artesá de Poio.