O grupo La Unión porá a banda sonora á celebración de San Xoán cun concerto na praia da Concha
Por Oskar Viéitez
A noite de San Xoán será este ano máis especial que nunca en Vilagarcía, onde o grupo La Unión porá a banda sonora das celebracións na praia da Concha cun concerto gratuíto.
O Concello organiza o concerto con este coñecido grupo do pop español co obxectivo de aportar un atractivo máis á arraigada festa do rito do lume. Como en edicións anteriores, tamén montará unha gran cacharela no areal para celebrar a benvida ao verán.
As celebracións de San Xoán comezarán o luns 23 de xuño ás dez na noite co inicio do concerto de da banda liderada por Rafa Sánchez. Rematado o concerto o prenderase a cachada e o público poderá continuar co rito do lume na noite de San Xoán para continuar a festa e a tradición de saltar as lapas, mantendo, por descontado, as necesarias precaucións e cumprindo as normas de seguridade para cada caso.
Pola súa banda, o Concello realizará o dispositivo especial de Control e Emerxencias que soe organizar a noite de San Xoán, ao que se engadirá este ano as medidas precisas para a concentración de persoas en eventos como concertos ao aire libre.
Ademais, o goberno local manterá o vindeiro luns unha reunión coa asociación de hostaleiros Ahituvi para, entre outros asuntos, informalos deste evento e coñecer a súa disposición a colaborar na organización dalgunha outra actividade paralela.