A obra 'Somos tan imbéciles' chega ao Teatro Principal da man da ONCE
Por Redacción
A compañía de teatro Valacar, subvencionada pola Once, presentará este martes no Teatro Principal de Pontevedra o seu espectáculo Somos tan imbéciles.
Escrita e dirixida por Lino Braxe, esta obra é tamén un programa de televisión vespertino, que a semellanza dun magazine inclúe concursos, entrevistas ou conexións nacionais e internacionais.
Somos tan imbéciles inclúe ademais música en directo que achega un maior ritmo ao espectáculo, no que participan 12 actores, cinco deles videntes e outros sete con cegueira ou discapacidade visual e afiliados á Once.
A estrea terá lugar ás 20:30 horas con entrada de balde ata completar o aforamento.