'Art-Ividades', unha iniciativa cultural coa que achegar a creación artística á cidadanía
Por Redacción
Achegar o proceso de creación artística á cidadanía. ÿ o obxectivo dunha xornada denominada Art-Ividades, que se celebrará o vindeiro sábado 7 de xuño no Local Social Leste. Trátase dunha iniciativa organizada por un grupo de creadores artísticos da cidade que pretende "romper cos mitos, sacar a arte dos museos e eliminar a distancia que hai entre os artistas e os cidadáns", segundo os seus impulsores, Luis Otero, María Rey y María Romero.
Con ela, buscan promover a expresión artística, difundir as actividades sociais e culturais da zona e brindar un espazo para que todo creador que o desexe, poida darse a coñecer e colaborar involucrándose no proxecto. Todo elo pensado en que sexa un evento familiar e no que poidan participar tamén os máis pequenos da casa.
Entre as actividades previstas, que comezarán ás 12.00 horas, está a exposición de 13 artistas plásticos que amosarán a súa obra, ao tempo que tamén farán creación nos propios stands, para que as persoas que visiten Art-Ividades poidan asistir en directo o proceso creativo, un dos motivos para organizar esta xornada.
A programación da xornada Art-Ividades é a seguinte:
- 12.00 horas: Acto inaugural coa actuación de Jesús Vidal, presidente da Asociación de músicos de Pontevedra Ferve, e apertura da exposición da ilustradora Alba Blanco.
- 12.15 horas: Retratos na rúa.
- 16.00 a 19.00 horas: Ludoteca.
- 16.00 horas: Entrega dos premios do concurso infantil Contrartividades.
- 16.30 a 18.30 horas: Obradoiro de tatuaxes infantís.
- 19.00 horas: Concerto de Querido Extraño.
- 20.15 horas: Presentación da Asociación de músicos Pontevedra Ferve.
- 20.30 horas: Jam Session.
- 22.00 horas: Peche do evento.
Aínda que as actividades se concentrarán o próximo 7 de xuño, Art-Ividades comezará xa este mesmo sábado. Ás 12.00 horas, a Biblioteca pública de Pontevedra acollerá unha sesión de contacontos a cargo da escritora e ilustradora Alba Blanco, que estará acompañado por un concurso de ilustracións para nenos. Os gañadores deste evento recibirán o seu premio durante a celebración da xornada Art-Ividades.