Ábrese o prazo para inscribirse no Certame Provincial de Bandas de Música
Por Redacción
Este xoves 29 ábrese o prazo para inscribirse no XIII Certame provincial de Bandas de Música que organiza a Deputación dePontevedra. Todas as bandas de música federadas que estean interesadas en participar neste concurso poden presentar a súa solicitude ata o 27 de xuño.
O certame desenvolveranse en tres niveis segundo o grao de dificultade da peza de libre elección que interpretarán. En total, serán 22 as agrupacións que participarán no certame, seis na sección primeira, oito na segunda e outras oito na terceira. A elección das bandas que formen parte deste concurso realizaranse por medio dun sorteo público entre todas as agrupacións que opten a participarn en cada unha das categorías.
Este concurso desenvólvese en tres seccións. A primeira será no Auditorio Área Panorámica de Tui o 4 de outubro, a segunda no Auditorio Municipal de Lalín o 11 de outubro e a tercerá o 18 de outubro no Auditorio Municipal de Vilagarcía.
Por participar no certame, cada banda percibirá entre 2.000 e 3.500 euros e establécense tres premios que van dende os 1000 aos 4.200 euros.
O xurado terá en conta a afinación, a sonoridade e a interpretación e técnica dos músicos.