O pintor portugués Orlando Pompeu amosa o seu surrealismo conceptual
Por Redacción
A sala de exposicións do edificio administrativo da Xunta de Galicia acolle este xoves 8 de maio, ás 20.00 horas, a inauguración da mostra do artista portugués Orlando Pompeu.
Nacido en Fafe, este pintor e escultor conta con obras en diversas coleccións particulares e oficiais en países como Gran Bretaña, Alemaña, Brasil ou Francia.
As súas obras, segundo os críticos, forman parte da pintura surrealista conceptual. O comisario da exposición, Carlos Contreras, entende que Pompeu é un pintor de gran brillantez, con moito talento pictórico que afonda na esencia da súa arte conceptual e xestual.
Esta mostra permanecerá aberta na Sala de exposicións da Delegación Territorial da Xunta ata o 29 de maio en horario de 9 a 14 horas de luns a sábado e de 17.30 a 21 horas os xoves e os venres.