O Teatro Principal acolle un concerto do pianista húngaro János Palojtay
Por Redacción
O luns día 28 a Sociedade Filharmónica de Pontevedra ofrecerá aos seus socios un concerto que estará a cargo do pianista húngaro Janós Palojtay, gañador do Terceiro Premio do XVII Concurso Internacional de Piano Paloma O'Shea de Santander. O concerto celebrarase no Teatro Principal e dará comezo ás 20:30 horas.
Nacido en 1987 en Budapest, con tan só 13 anos foi admitido na Escola Especial para Novos Talentos da Academia de Música Férénc Liszt da súa cidade natal, onde se graduou en 2011.
Entre os seus premios tamén figuran o Segundo Premio no I Concurso Internacional Chopin en Budapest, o Gundel Art Prize de la Academia de Música Férénc Liszt e o Bíró Sári Memorial Award. Como solista foi invitado a festivais como Piano aux Jacobins de Toulouse; The Gilmore Rising Stars Series (Estados Unidos); Collegium Musicum, Pommersfelden (Alemaña); Tiszadob Piano Festival (Hungría) e The Young People Festival (Corea do Sur). János Palojtay fixo o seu debut na ÿpera Nacional de Hungría coa Orquestra Filharmónica de Budapest dirixida por Christopher Hogwood en 2012.
Comprometido coa música de cámara, ademais de tocar de xeito continuado con outras agrupacións, é membro fundador do Classicus Ensemble, que dende 2010 foi invitado como Artista en Residencia á Universidade Central Europea de Budapest. Con esta agrupación presentouse en numerosos escenarios de prestixio tanto no seu país natal coma en Estados Unidos.
En Pontevedra, o novo pianista húngaro ofrecerá o seguinte programa: Sonata núm. 7 op. 10 núm. 3, de Beethoven; Valses Nobres e Sentimentais, de Ravel; 6 Intermezzi, de Robert Schumann; Balada núm. 2, de Franz Liszt; e 2 Danzas romanesas, op. 8 a, de Bela Bartók.