Música de Mozart e Mendelssohn, nun novo concerto da Real Filharmonía de Galicia
Por Redacción
Dentro do marco do convenio de colaboración asinado pola Fundación Novacaixagalicia, a Sociedade Filharmónica de Pontevedra e o Consorcio da Cidade de Santiago, o próximo venres día 21, ás 20:30 horas, celebrarase no Auditorio do Centro Social Novacaixagalicia, un concerto que estará a cargo da Real Filharmonía de Galicia.
Baixo a dirección de Antoni Ros Marbá, a agrupación sinfónica compostelá ofrecerá o seguinte programa: Sinfonía n.º 38 "Praga", de Mozart; e Sinfonía n.º 3 "Escocesa", de Mendelssohn.
Os socios da Sociedade Filharmónica de Pontevedra terán acceso gratuíto á sala. Poderán retirar as entradas no local da Sociedade (Rúa Tetuán, 2 baixo), o mércores, día 19, e o xoves 20 de 17 a 20 horas, ou o mesmo día do concerto no vestíbulo do Auditorio, a partir das 19:30 horas.