O trompetista Esteban Batallán, "un pontevedrés que leva o noso nome polo mundo"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O presidente da Deputación de Pontevedra, Luis López, recibiu xunto co deputado provincial de Cultura, Jorge Cubela, no Pazo provincial a Esteban Batallán, trompeta principal da Chicago Symphony Orchestra e tamén profesor en DePaul University e na Civic Orchestra de Chicago.
Durante o encontro, o presidente provincial eloxiou a figura de Batallán, ao que cualificou como "un pontevedrés que leva o noso nome polo mundo" e "exemplo de que con traballo e esforzo alcánzanse os soños".
Dende que Batallán tiña comprado un disco da primeira sinfonía de Gustav Mahler gravado pola Chicago Symphony Orchestra sempre foi o seu desexo converterse en trompeta principal da mesma. Algo que, logo de moita formación, moito esforzo e un longo proceso, puido conseguir en 2019.
Esteban Batallán comezou a estudar música aos sete anos na Escola de Música de Barro e completou a súa formación no Conservatorio de Música de Pontevedra, no Conservatorio Superior de Música de Vigo e na Escola de Altos Estudos Musicais de Galicia.
Ten colaborado con orquestras sinfónicas de todo o mundo, desde España aos Países Baixos, Inglaterra, Suíza, India, Estados Unidos, Francia, Hong Kong. Ao longo da súa traxectoria gañou numerosos concursos nacionais e internacionais e ten exercido de profesor en España, Inglaterra, Francia ou, entre outros países, Estados Unidos.
Relacionadas:
-
Xabier Díaz e Adufeiras de Salitre actuarán esté sábado na Alameda de Marín
Por Redacción |
-
Cambios no grupo municipal do BNG de Barro
Por Redacción |
-
Esteban Batallán, músico de Barro, novo trompetista principal da Orquestra de Filadelfia
Por Anxo Lourido |
-
Esteban Batallán Cons, da escola de música de Barro a ser trompetista solista na Chicago Symphony Orchestra
Por Redacción |
-
Esteban Batallán, o trompetista máis internacional de Barro, toca na India
Por Redacción |
-
Un trompetista de Barro, primeiro galego no Teatro e Filarmónica da Scala de Milán
Por Redacción |