Anxo Araújo ofrece un concerto "moi especial" cheo de lembranzas felices
Este luns 19 de agosto, a Praza da Ferrería de Pontevedra foi o escenario perfecto para recibir o compositor e músico pontevedrés Anxo Araújo.
O artista subiu ao escenario mostrando que se trataba dun momento moi especial, como comentou nas súas redes sociais: "moi preto da ferretería dos meus avós, da casa de Frasia, da academia de Miguel... Moi preto de moitas e moitas cousas".
Anxo Araújo, coñecido por retratar historias de decepcións cun toque do que denomina "feliz tristeza", presentou un repertorio que incluíu temas do seu primeiro disco, 'Plan de urbanismo para un novo couto mixto'.
Pero, ademais, a cita musical foi unhba cita idónea para que o compositor presentase temas do traballo publicado en marzo de 2024, 'Aprender a bailar', no que se inclúen nove temas.
O público disfrutou do seu característico pop melódico combinado con elementos do folk galego con ritmos bailables e sintetizadores, creando un paisaxe sonoro próximo. Araújo leva máis de dúas décadas na escena musical, e demostrou ser un referente actual do pop que se fai en Galicia.
As súas actuacións en eventos como os Atardeceres no Gaiás ou o Surfing the Lérez convertérono nun artista recoñecido que se abre oco entre os músicos con estilo definido e raíces propias.
Concerto de Anxo Araújo
Recital celebrado o luns 19 na Praza da Ferrería dentro da programación das Festas da Peregrina
© Cristina Saiz
Relacionadas:
-
Espectáculo de luces e cor para despedir as Festas da Peregrina
Por Redacción & Cristina Saiz |
-
Tanxugueiras abarrota a Praza de España
Por Almu Dapena & Cristina Saiz |
-
O músico pontevedrés Anxo Araújo convida a celebrar a vida co seu novo álbum 'Aprender a bailar'
Por Redacción |
-
RADIO.- 'Os dez lanzamentos' veñen esta semana con novidades de Anxo Araújo e Lontreira
Por Redacción |
-
Anxo Araújo presenta o seu novo videoclip 'Por que tivemos que discutir?'
Por Redacción |